Batumelebi | საქართველოში კოვიდის სამკურნალო მედიკამენტების ახალი მარაგი შემოიტანეს საქართველოში კოვიდის სამკურნალო მედიკამენტების ახალი მარაგი შემოიტანეს – Batumelebi
ნეტგაზეთი • RU

საქართველოში კოვიდის სამკურნალო მედიკამენტების ახალი მარაგი შემოიტანეს

ჯანდაცვის სამინისტროს ინფორმაციით, ქვეყანაში კორონავირუსის სამკურნალო მედიკამენტების ახალი მარაგი შემოიტანეს.

ერთ-ერთი მედიკამენტი, რომელიც საქართველომ მიიღო, Hetero Biopharma Limited-ის წარმოებული 2000 დოზა „ტოცილიზუმაბი“ და Roche-ს მონოკლონური ანტისხეულებია – 500 დოზა რონაპრივი (კასირივიმაბი/იმდევიმაბი).

„ტოცილიზუმაბი“ აქტიურად გამოიყენება COVID-19-ით ინფიცირებული მძიმე და კრიტიკულად მძიმე პაციენტების სამკურნალოდ.

ბოლო მონაცემებით საქართველოს კლინიკების სტაციონარში 6 490 კოვიდინფიცირებულია მეთვალყურეობის ქვეშ, მათგან 1 630 მძიმე პაციენტია.

მედიკამენტები ჯანდაცვის სამინისტრომ მსოფლიო ბანკის „Covid-19-ის წინააღმდეგ სწრაფი რეაგირების პროექტის“ დამატებითი დაფინანსების ფარგლებში შეისყიდა.

2000 დოზა „ტოცილიზუმაბი“ და 500 დოზა „რონაპრივი“ გადანაწილდება სამედიცინო დაწესებულებებში, სადაც კორონავირუსით ინფიცირებულ პაციენტებს მკურნალობენ.

ჯანდაცვის სამინისტროს ინფორმაციით, Hetero Biopharma Limited-ი ერთ-ერთი წამყვანი ინდური ფარმაცევტული კომპანიაა, რომელმაც „ტოცილიზუმაბის“ გადაუდებელი გამოყენების ავტორიზაცია მიმდინარე წლის სექტემბრის ბოლოს მიიღო.

Roche-ს მონოკლონურ ანტისხეულებს კი (კასირივიმაბი/იმდევიმაბი) COVID-19-ით ინფიცირებული პაციენტების სამკურნალოდ აშშ-ის საკვებისა და მედიკამენტების სააგენტოს (FDA) გადაუდებელი გამოყენების ავტორიზაცია აქვს მიღებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან