Batumelebi | ბათუმში სახლი დაიწვა ბათუმში სახლი დაიწვა – Batumelebi
ნეტგაზეთი • RU

ბათუმში სახლი დაიწვა

ბათუმში გამთენიისას საცხოვრებელ სახლში ხანძარი გაჩნდა. ადგილზე იმყოფებოდნენ სამაშველო და სასწრაფო დახმარების ჯგუფები.

როგორც „ბათუმელებს“ სახანძრო სამსახურში უთხრეს, დაიწვა საცხოვრებელი სახლის მეორე სართული. ხანძრის შედეგად არავინ დაშავებულა.

საცხოვრებელი სახლი ბათუმში, თაყაიშვილის ქუჩაზე მდებარეობს.

ხანძარი ბათუმში, თაყაიშვილს ქუჩაზე

როგორც ბათუმის მერიის მუნიციპალური სერვისების განვითარების სააგენტოში გვითხრეს, ხანძრის შედეგად დაზარალებულ ოჯახს მერია განცხადებით მიმართვის შემდეგ დაეხმარება.

„სახლი გადაიხურება დროებით ტენტით, შემდეგ, მესაკუთრის განცხადების საფუძველზე, შევისწავლით ზარალს და ამის მიხედვით დავეხმარებით,“- გვითხრეს სააგენტოში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com