Batumelebi | კოვიდით ინფიცირდა 103 927 არასრულწლოვანი – გამყრელიძე  კოვიდით ინფიცირდა 103 927 არასრულწლოვანი – გამყრელიძე  – Batumelebi
RU | GE  

კოვიდით ინფიცირდა 103 927 არასრულწლოვანი – გამყრელიძე 

ავტორი: ანა შენგელია 

საქართველოში კორონავირუსით ინფიცირებულთა 15% მოზარდია – განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ დღეს, 26 ოქტომბერს,  გამართულ ბრიფინგზე.  

მისი თქმით, კოვიდ 19-ით  ინფიცირებულია 103 927 არასრულწლოვანი, მათგან 6979-ს დასჭირდა ჰოსპიტალური მკურნალობა, ხოლო 9 მოზარდი კოვიდით გარდაიცვალა. 

ამირან გამყრელიძემ აღნიშნა, რომ კოვიდით გარდაცვლილ არასრულწლოვნებს, სამი ჩვილის გამოკლებით, თანმხლები გენეტიკური დაავადება ჰქონდათ.

ბრიფინგისას ამირან გამყრელიძემ ქვეყანაში არსებული ეპიდსიტუაციაც განიხილა. მისი თქმით, პანდემიის მაჩვენებელი უარესდება. 

მან ასევე განაცხადა, რომ გაერთიანებულ სამეფოსა და რუსეთში გავრცელებული დელტა პლუს შტამი საქართველოში ჯერჯერობით არ დაფიქსირებულა.

დღეს, 26 ოქტომბერს, საქართველოში კორონავირუსით ინფიცირების 4762 ახალი შემთხვევა დადასტურდა, 43 პაციენტი გარდაიცვალა. 

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.