Batumelebi | ხელვაჩაურში კაცი მიწის გამო ავტომატით ჩაცხრილეს, მკვლელობის ფაქტზე 1 პირი დააკავეს ხელვაჩაურში კაცი მიწის გამო ავტომატით ჩაცხრილეს, მკვლელობის ფაქტზე 1 პირი დააკავეს – Batumelebi
RU | GE  

ხელვაჩაურში კაცი მიწის გამო ავტომატით ჩაცხრილეს, მკვლელობის ფაქტზე 1 პირი დააკავეს

შსს ინფორმაციით, ხელვაჩაურში განზრახ მკვლელობის ფაქტზე ერთი პირი დააკავეს.

„დაკავებულია 1988 წელს დაბადებული გ.დ. განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ბრალდებით დააკავეს.

გამოძიებით დადგინდა, რომ ბრალდებულმა მიმდინარე წლის 21 ოქტომბერს, მიწის ნაკვეთთან დაკავშირებით არსებული კონფლიქტის ნიადაგზე, ნაცნობს – 1977 წელს დაბადებულ ე.ჯ. -ს ქალაქ ბათუმში, ჯაყელის ქუჩაზე, ცეცხლსასროლი იარაღიდან გასროლით რამდენიმე ჭრილობა მიაყენა და შემთხვევის ადგილიდან მიიმალა. დაჭრილი კაცი საავადმყოფოში მიყვანიდან მალევე გარდაიცვალა“, – აცხადებს შსს.

პოლიციის ცნობით, ბრალდებული ხელვაჩაურის მუნიციპალიტეტში დააკავეს.

„სამართალდამცველებმა ნივთმტკიცების სახით ამოიღეს დანაშაულის ჩადენის იარაღი – ავტომატური ცეცხლსასროლი იარაღი. ასევე, ამოღებულია გ.დ.-ის მფლობელობაში არსებული ავტომობილი, რომლითაც ბრალდებულმა შემთხვევის ადგილი დატოვა“-ამბობს შსს

განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ფაქტზე გამოძიება საქართველოს სსკ-ის 108-ე და 236-ე მუხლებით მიმდინარეობს. დანაშაული 15 წლამდე ვადით თავისუფლების აღკვეთას ითვალისწინებს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com