მთავარი,სიახლეები

ვის ჩაუტარებს ტრენინგს დავით კვაჭაძე უსკოს თავმჯდომარედ არჩევის შემთხვევაში

17.02.2016 • 2008
ვის ჩაუტარებს ტრენინგს დავით კვაჭაძე უსკოს თავმჯდომარედ არჩევის შემთხვევაში

ხვალ აჭარის უმაღლესი საბჭო უმაღლესი საარჩევნო კომისიის თავჯდომარის პოსტზე დავით კვაჭაძის კანდიდატურას კიდევ ერთხელ განიხილავს. უსკოს თავმჯდომარეობის კანდიდატის ინფორმაციით მას პირველი წარუმატებელი კენჭისყრის შემდეგ ტეპუტატებთან კონსულტაციები ჰქონდა.

„მათ პიროვნულად ჩემთან პრეტენზიები არ ჰქონიათ, წარდგენის წესთან დაკავშირებით ჰქონდათ პრეტენზიები,“ – ამბობს დავით კვაჭაძე.

დავით კვაჭაძე

დავით კვაჭაძე

კითხვაზე, ვინ იგულისხმა, როდესაც წინა წარუმატებელი კენჭისყრის შემდეგ მედიასთან საუბარში განაცხადა „ … იქით ჩავუტარებ მათ ტრენინგებს“ – უსკოს თავმჯდომარეობის კანდიდატმა უპასუხა: „ მე ვიგულისხმე საჯარო მოხელეები, რომლებიც საარჩევნო კანონის არასწორ ინტერპრეტირებას ახდენენ.“

დავით კვაჭაძე 2012 წლიდან არასამთავრობო ორგანიზაცია „სამოქალქო საზოგადოების და დემოკრატიის განვითარების ცენტრში“ მუშაობდა. არაოფიციალურ საუბრებში მას „ქართულ ოცნებასთან“ დაახლოებულ პირად მოიხსენიებენ. 2015 წლის საპრეზიდენტო არჩევნებზე ის საგარეჯოში ორგანიზაციის დამკვირვებლების მონიტორინგს ხელმძღვანელობდა. 2012 -2013 წლებში მას „სამოქალაქო საზოგადოებისა და დემოკრატიის განვითარების ცენტრის“ დამკვირვებლების ტრენერთა მომზადების უზრუნველყოფა ებარა.

1994 -1995 წლებში ის მუშაობდა შინაგან საქმეთა სამინისტროს კადრების განყოფილების უფროსის მოადგილედ. 1991 -1992 წლებში კი საქართველოს ფინანსთა სამინისტროს გამოთვლით ცენტრს ხელმძღვანელობდა. უფრო ადრე დავით კვაჭაძეს ბიზნესსექტორშიც უცდია ბედი, სხვადასხვა დროს ის შპს „ლარგოგრუპს“ და შპს „ლაქი ბენდს“ ხელმძღვანელობდა.

 

გადაბეჭდვის წესი