Batumelebi | ელექტრომობილების დამტენი სადგურებისთვის ქსელზე მიერთების საფასური განახევრდა ელექტრომობილების დამტენი სადგურებისთვის ქსელზე მიერთების საფასური განახევრდა – Batumelebi
RU | GE  

ელექტრომობილების დამტენი სადგურებისთვის ქსელზე მიერთების საფასური განახევრდა

სემეკის ინფორმაციით, ელექტრომობილების დამტენი მოწყობილობების ელექტროენერგიის ქსელთან მიერთების საფასური 50%-ით შემცირდა.

სემეკში „ბათუმელებს“ უთხრეს, რომ ეს ეხება ისეთ სადგურებს, რომლებიც საერთო მოხმარებისთვის იქნება განკუთვნილი და არა კერძო მოხმარებისთვის.

„ეს საფასური თავიდან იყო 400 ლარი, შემდეგ 600 და ამ ბოლოს 800 ლარი. დღეიდან ქსელთან მიერთების საფასური კვლავ 400 ლარი იქნება“ – გვითხრეს სემეკში.

„საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ელექტრომობილების ხელშეწყობის მიზნით შეღავათიანი პირობები აამოქმედა.

კერძოდ, სემეკის გადაწყვეტილებით, ელექტრომობილების დამტენი მოწყობილობების ელექტროენერგიის ქსელთან მიერთების საფასური 50%-ით შემცირდა.

შეღავათიანი პირობები ვრცელდება მხოლოდ იმ დამტენი მოწყობილობის გამანაწილებელ ქსელთან მიერთებაზე, რომლით სარგებლობა არ იზღუდება პირთა წრისთვის და არ არის განკუთვნილი მხოლოდ პირადი სარგებლობისთვის.

დამტენი სადგურის გამოყენება (ელექტროენერგიის მოხმარება) სხვა მიზნობრიობით დაუშვებელია. სადგურის მისაერთებელი სიმძლავრე არ მონაწილეობს მისი განთავსების ადგილზე ობიექტის ან განსაზღვრული ტერიტორიის მისაერთებელი სიმძლავრის გამოთვლაში.“ – აღნიშნულია სემეკის მიერ გავრცელებულ განცხადებაში.

 

მთავარი ფოტო „ნეტგაზეთის“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com