Batumelebi | შუახევიდან და ხიჭაურიდან უპატრონო ძაღლებს ბათუმის თავშესაფარში გადაიყვანენ შუახევიდან და ხიჭაურიდან უპატრონო ძაღლებს ბათუმის თავშესაფარში გადაიყვანენ – Batumelebi
RU | GE  

შუახევიდან და ხიჭაურიდან უპატრონო ძაღლებს ბათუმის თავშესაფარში გადაიყვანენ

დაბა შუახევისა და ხიჭაურის ტერიტორიაზე „უპატრონო, მაწანწალა ცხოველების დაჭერასა და თავშესაფარში გადაყვანაზე“ შუახევის მუნიციპალიტეტის გამგეობამ გამარტივებული ელექტრონული ტენდერი გამოაცხადა.

სატენდერო დოკუმენტაციის მიხედვით, შუახევსა და ხიჭაურში სულ 88 უპატრონო  ძაღლის დაჭერასა და მათ ქ. ბათუმში, უპატრონო ცხოველების თავშესაფარში გადაყვანისთვის, მუნიციპალიტეტი მაქსიმუმ 5 ათას ლარს გადაიხდის.

„პრეტენდენტმა უნდა წარმოადგინოს თავშესაფრის საკუთრებაში ან დროებით სარგებლობაში არსებობის დამადასტურებელი დოკუმენტი. ამასთან დროებით სარგებლობის უფლების ვადა უნდა იყოს არანაკლებ 2016 წლის 31 დეკემბრის ჩათვლით… მომსახურების მიწოდება უნდა მოხდეს ეტაპობრივად, კვარტალში ერთი ვიზიტი, შემსყიდველის წერილობით ან სატელეფონო მოთხოვნიდან 2-3 დღის ვადაში, 2016 წლის 25 დეკემბრამდე პერიოდში,“ – აღნიშნულია სატენდერო დოკუმენტში.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com