Batumelebi | აჭარაში 3000 ლარს გადასცემენ აგვისტოს ომში დაღუპული ჯარისკაცების ოჯახებს აჭარაში 3000 ლარს გადასცემენ აგვისტოს ომში დაღუპული ჯარისკაცების ოჯახებს – Batumelebi
RU | GE  

აჭარაში 3000 ლარს გადასცემენ აგვისტოს ომში დაღუპული ჯარისკაცების ოჯახებს

აგვისტოს ომის 13 წლისთავთან დაკავშირებით აჭარის ჯანდაცვის სამინისტრო აგვისტოს ომში დაღუპული ჯარისკაცების ოჯახებსა და რუსული აგრესიის შედეგად დაზარალებულ შშმ სტატუსის მქონე პირებს 3000 ლარს გადასცემს.

აჭარის ჯანდაცვის სამინისტროს ცნობით, თანხა ასევე გამოეყოფა 2012 წელს ავღანეთში დაღუპული ჯარისკაცების ოჯახებს. ჯამში 27 ოჯახზე გაიცემა 81 000 ლარი.

დახმარება სამინისტროს პროგრამის – „2008 წლის რუსული აგრესიის შედეგად დაღუპულ ან/და შეზღუდული შესაძლებლობის სტატუსის მქონე და 2012 წელს ავღანეთში დაღუპულ მეომართა ოჯახების დახმარების პროგრამის“ ფარგლებში გამოიყოფა. პროგრამის საერთო ბიუჯეტი 112 000 ლარია.

___________

ფოტო: აჭარის მთავრობა

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com