Batumelebi | სარფის საბაჟოზე ნარკოტიკები მიკროავტობუსით შემოჰქონდათ | შემოსავლების სამსახური სარფის საბაჟოზე ნარკოტიკები მიკროავტობუსით შემოჰქონდათ | შემოსავლების სამსახური – Batumelebi
RU | GE  

სარფის საბაჟოზე ნარკოტიკები მიკროავტობუსით შემოჰქონდათ | შემოსავლების სამსახური

სარფის საბაჟოზე ნარკოტიკული ნივთიერების შემცველი მედიკამენტების საქართველოს ტერიტორიაზე უკანონო შემოტანის მცდელობის ფაქტი აღკვეთეს – იუწყება ფინანსთა სამინისტროს შემოსავლების სამსახური.

„სარფის საბაჟო გამშვები პუნქტის კონტროლის ზონაში შემოვიდა საქართველოს მოქალაქის გ.ც. -ს მართვის ქვეშ არსებული მიკროავტობუსი, რომელშიც იმყოფებოდა, ასევე საქართველოს მოქალაქე კ.ჩ.

აღნიშნული მოქალაქეების ბარგის ეჭვის საფუძველზე დათვალიერების შედეგად 112 კაფსულა და 148 აბი, ასევე სპეციალურ შეფუთვებში დაფასოებული ნარკოტიკული ნივთიერებები აღმოაჩინეს.

საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის ერთეულებს გადაეცათ“ – წერს შემოსავლების სამსახური.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com