Batumelebi | ბათუმის მათემატიკის გაძლიერებული სწავლების ახალ სკოლაში პედაგოგებს კონკურსით შეარჩევენ ბათუმის მათემატიკის გაძლიერებული სწავლების ახალ სკოლაში პედაგოგებს კონკურსით შეარჩევენ – Batumelebi
RU | GE  

ბათუმის მათემატიკის გაძლიერებული სწავლების ახალ სკოლაში პედაგოგებს კონკურსით შეარჩევენ

ბათუმის მათემატიკის გაძლიერებული სწავლების სკოლაში მოსწავლეთა მიღება დაიწყო, რაც შეეხება პედაგოგებს, მათ კონკურსის წესით შეარჩევენ.

„პედაგოგების შესარჩევად გამოცხადდება კონკურსი, თუმცა რამდენი პედაგოგი იქნება საჭირო და როდის გამოცხადდება კონკურსი, დამოკიდებულია იმ პროცესის დასრულებაზე, რომელიც ახლა მიმდინარეობს. ესაა მოსწავლეთა რეგისტრაცია მათემატიკის გამოცდაზე, რომლის წარმატებით ჩაბარების შემთხვევაში ჩაირიცხებიან მოსწავლეები სკოლაში. გაირკვევა რამდენი მოსწავლე ჩაირიცხება, დაზუსტდება საათების რაოდენობა და პედაგოგების შესარჩევი კონკურსიც შემდეგ გამოცხადდება“ – უთხრეს „ბათუმელებს“ აჭარის განათლების სამინისტროში.

ახალ სკოლაში ჩასარიცხად, მისაღებ გამოცდაში მონაწილეობის უფლება აქვს მე-7 და მე-8 კლასის ნებისმიერ მოსწავლეს. სკოლაში ამჯერად 75 მოსწავლეს მიიღებენ: 50 მოსწავლეს მე-7 კლასში [იქნება ორი კლასი, 25-25 მოსწავლით თითოში] და 25 მოსწავლეს მე-8 კლასში.

სკოლაში სწავლება უფასოა.

მისაღებ გამოცდაზე მოსწავლეთა ონლაიან რეგისტრაცია 13 აგვისტოს ჩათვლით გაგრძელდება

ბათუმის განათლების ქალაქში ახალი სკოლის მშენებლობა 2020 წლის დეკემბერში დასრულდა. ოფიციალური ინფორმაციით, შენდებოდა ბათუმის კომაროვის სკოლა. აჭარის განათლების სამინისტროში კი დღეს აცხადებს, რომ აღნიშნული ახალი შენობა არის ბათუმის N6 ფიზიკა-მათემატიკის საჯარო სკოლის მე-3 კორპუსი.

შესაბამისად, ახალი სკოლის ოფიციალური დასახელება არის არა „ბათუმის კომაროვის სკოლა“, არამედ „ბათუმის მათემატიკის გაძლიერებული სწავლების სკოლა“, რომელიც მე-6 საჯარო სკოლას ექვემდებარება. აქ სასწავლო პროცესს აღნიშნული საჯარო სკოლა წარმართავს.

ამავე თემაზე:

ბათუმის „კომაროვის“ სკოლაში მოსწავლეების მიღება დაიწყო

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com