დღეს, 9 ივლისს, ბათუმში, ვაჟა-ფშაველას ქუჩაზე 35 წლის კაცი დაჭრეს. ის „მედცენტრში“ გადაიყვანეს.
„მედცენტრის“ ინფორმაციით, კაცი ქვედა კუდურის არეშია დაჭრილი და მდგომარეობა სტაბილურია, თუმცა საყურადღებო. კლინიკის პრესცენტრის განმარტებით, ჭრილობა სიცოცხლესთან შეუთავსებელი არ არის.
„ბათუმელების“ ინფორმაციით, კაცი დანით დაჭრეს და კონფლიქტში რამდენიმე პირი მონაწილეობდა. შემთხვევა საცხოვრებელი კორპუსის წინ, ქუჩაში მოხდა.
ადგილზე მუშაობენ სამართალდამცველები.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 118-ე მუხლის შესაბამისად, რაც გულისხმობს ჯანმრთელობის განზრახ დაზიანებას გულისხმობს.
