Batumelebi | პოლიციამ აბსოლუტური უმოქმედობით გასაქანი მისცა ხილულ კრიმინალს – პენცენტრი პოლიციამ აბსოლუტური უმოქმედობით გასაქანი მისცა ხილულ კრიმინალს – პენცენტრი – Batumelebi
RU | GE  

პოლიციამ აბსოლუტური უმოქმედობით გასაქანი მისცა ხილულ კრიმინალს – პენცენტრი

საქართველოს პენცენტრი განცხადებას ავრცელებს და გმობს რუსთაველის გამზირზე მომხდარ ძალადობას:

„თანადგომას ვუცხადებთ ყველა ჟურნალისტს, რომლებიც პროფესიული საქმიანობისას მოძალადეების ფიზიკური თავდასხმის მსხვერპლნი აღმოჩდნენ, სოლიდარობას ვუცხადებთ თბილისი პრაიდის მონაწილეებს, რომელთაც ძალადობრივად შეეზღუდათ გამოხატვის თავისუფლების რეალიზაციის საშუალება.

მიგვაჩნია, რომ რუსთაველის გამზირის ზიზღის პოლიგონად ქცევა საქართველოს საპატრიარქოს უშუალო ბრალია, თუმცა ბრალის სიმძიმეს ვერ გაექცევა ხელისუფლება, რომლის მეთაურმა დღევანდელი უპასუხისმგებლო განცხადებით კიდევ უფრო წააქეზა სიძულვილის ჯგუფები, ხოლო პოლიციამ კი აბსოლუტური უმოქმედობით გასაქანი მისცა ხილულ კრიმინალს, რომელსაც თვალს მთელი ქვეყანა ადევნებდა” – წერია განცხადებაში.

დღეს, 5 ივლისს თბილისში დაგეგმილი „ღირსების მარშის“ წინააღმდეგ საპატრიარქოს მიერ ორგანიზებული ძალადობრივი ჯგუფები ქალაქის სხვადასხვა უბანში თავს ესხმიან მედიის წარმომადგენლებს. ასევე, დაარბიეს “სირცხვილიასა” და „თბილისი პრაიდის” ოფისები. დაშავებულია, სულ მცირე, მედიის 20-ზე მეტი წარმომადგენელი.

შსს ამ დრომდე არ ამბობს, დააკავეს თუ არა ვინმე მედიაზე ძალადობისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com