სამი ვაკანსია აჭარის ტურიზმისა და კურორტების დეპარტამენტში

აჭარის ტურიზმისა და კურორტების დეპარტამენტი აცხადებს კონკურსს სამ: საინფორმაციო ტექნოლოგიებისა და ონლაინპროექტების განყოფილების უფროსის, მთავარი სპეციალისტის [გრაფიკოს-დიზანერი] და საფინანსო – საბუღალტრო განყოფილების მთავარი სპეციალისტის ვაკანტურ პოზიციაზე.

თანამდებობების დაკავების მსურველებმა აპლიკაციები უნდა შეავსონ საჯარო სამსახურის ბიუროს ადმინისტრაციულ ვებგვერდზე hr.gov.ge. კონკურსში მონაწილეობის უფლება აქვთ საქართველოს მოქალაქეებს, როლებსაც შეუსრულდათ 21 წელი და რომლებიც აკმაყოფილებენ საკონკურსო განაცხადით გათვალისწინებულ მოთხოვნებს.

არსებული ვაკანტური პოზიციების დასაკავებლად გამოცხადებული კონკურსი სამ ეტაპად ჩატარდება. პირველი ეტაპი ითვალისწინებს განაცხადების გადარჩევას, მეორე ეტაპზე ჩატარდება ტესტირება ზოგადი უნარებისა და კანონმდებლობის ცოდნის გამოსავლენად, ბოლო ეტაპზე კი –  გასაუბრება. გამარჯვებულს გამოავლენს საკონკურსო კომისია ქულათა შეჯამების საფუძველზე.

საჯარო სამსახურის ბიუროს ვებგვერდზე კონკურსანტთა რეგისტრაცია იწარმოებს 12 თებერვლის ჩათვლით.