მთავარი,სიახლეები

780 მლნ ადამიანს თამბაქოზე თავის დანებება სურს -NCDC

31.05.2021 • 1480
780 მლნ ადამიანს თამბაქოზე თავის დანებება სურს -NCDC

დღეს, 31 მაისს, საერთაშორისო დღე „თამბაქოს გარეშე“ (World No Tobacco Day) აღინიშნება.  ამ დღეს ყურადღება მახვილდება თამბაქოს გლობალურ ეპიდემიაზე. 2021 წელს დღის „მსოფლიო თამბაქოს გარეშე“ აღსანიშნავად ჯანმრთელობის მსოფლიო ორგანიზაციამ წამოიწყო გლობალური კამპანია ლოზუნგით „Commit to Quit”.

ინიციატივის მიზანია ხელი შეუწყოს  100 მილიონამდე ადამიანს მსოფლიოს მასშტაბით უარი თქვას თამბაქოს მოხმარებაზე სხვადასხვა მეთოდისა თუ ციფრული საშუალების დახმარებით.

„მსოფლიოში დაახლოებით 780 მილიონ ადამიანს სურს თამბაქოზე უარის თქმა, თუმცა მათგან მხოლოდ 30 პროცენტს  აქვს ხელმისაწვდომობა იმ საშუალებებზე, რომლებიც მათ დაეხმარება  ფიზიკური თუ ფსიქოლოგიური დამოკიდებულების დაძლევაში.

ჯანმრთელობის მსოფლიო ორგანიზაცია პარტნიორებთან ერთად ხელმისაწვდომს გახდის იმ საშუალებებსა და რესურსებს, რომლებიც საჭიროა მოწევისთვის თავის დანებების უზრუნველსაყოფად,“- ამბობს დაავადებათა კონტროლის ეროვნული სააგენტო.

ამავე წყაროს ცნობით, COVID-19-ის პანდემიის პირობებში  თამბაქოს მილიონობით მომხმარებელს გაუჩნდა თავისდანებების სურვილი.  „თუმცა,  თამბაქოზე თავისდანებება შესაძლოა გამოწვევა აღმოჩნდეს ეკონომიური თუ  სოციალური სტრესის ფონზე, რომელიც  COVID-19-ს ახლავს თან“.

31 მაისს დაავადებათა კონტროლისა და საზოგადოებრივი ჯანმრთელობის ეროვნული ცენტრის კორპუსის კედელს მოხატავენ და „შენობის კედელზე საგანგებოდ ამ დღისთვის თამბაქოს თემატიკის შინაარსის ნამუშავარი შესრულდება“.

გადაბეჭდვის წესი


ასევე: