Batumelebi | უმაღლეს საბჭოში უსკოს თავმჯდომარეობის კანდიდატს მოუსმენენ უმაღლეს საბჭოში უსკოს თავმჯდომარეობის კანდიდატს მოუსმენენ – Batumelebi
RU | GE  

უმაღლეს საბჭოში უსკოს თავმჯდომარეობის კანდიდატს მოუსმენენ

დავით კვაჭაძე

დავით კვაჭაძე

აჭარის უმაღლეს საბჭოში დღეს ფრაქციები აჭარის უმაღლესი საარჩევნო კომისიის [უსკო] თავმჯდომარეობის კანდიდატს, დავით კვაჭაძეს მოუსმენენ.

კანდიდატს ფრაქციები დღეს, 2 თებერვალს, სხვადასხვა დროს შეხვდებიან. ბიუროს გადაწყვეტილებით, საბჭო დავით კვაჭაძის კანდიდატურაზე ხვალ, 3 თებერვალსაც იმსჯელებს.

საკონკურსო კომისიამ უსკოს თავმჯდომარის პოსტზე არჩილ ხაბაძეს სამი კანდიდატი წარუდგინა: პარმენ ჯალაღონია, დავით კვაჭაძე და დავით ქარცივაძე. არჩილ ხაბაძემ კი უმაღლეს საბჭოს დავით კვაჭაძის კანდიდატურა წარუდგინა დასამტკიცებლად.

დავით კვაჭაძე 2012 წლიდან არასამთავრობო ორგანიზაცია „სამოქალაქო საზოგადოების და დემოკრატიის განვითარების ცენტრში“ მუშაობდა. არაოფიციალურ საუბრებში მასაც „ ქართულ ოცნებასთან“ დაახლოებულ პირად მოიხსენიებენ.

უმაღლესი საბჭოს რიგგარეშე სესია 2016 წლის 4 თებერვალსაა მოწვეული. დღის წესრიგში ერთადერთი საკითხია: დავით კვაჭაძის უსკოს თავმჯდომარის თანამდებობაზე ფარული კენჭისყრით არჩევა.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com