რაც მეტად თბება ჰაერი, მით მეტი ადამიანი შლის საპიკნიკე პლედს ბათუმის ბულვარში და მით მეტი ადამიანი გადის სანაპიროზე რუჯის მისაღებად. იმის გამო, რომ მაისი არც მთლად გაზაფხულია და არც მთლად ზაფხული, შეგიძლია არჩევანი გააკეთო რუჯის მიღებასა და აყვავებული ხეების ქვეშ ჯდომას შორის. ანდაც რა საჭიროა არჩევანის გაკეთება, როცა უქმეებია?
ამ სტატიაში გიწვევთ მზით გამთბარ ბათუმში ვირტუალური გასეირნებისთვის, მათ ვინც სხვადასხვა მიზეზით ამას ვერ ახერხებთ.
დავიწყოთ 6 მაისის პარკით.
პარკში გასულ კვირას ბალახი გაკრიჭეს და მანამ ტრიალებდა ეს სურნელი ჰაერში, სანამ ბალახებისგან გათავისუფლებულმა ყვავილებმა არ ამოყვეს თავი მიწიდან.
ნურიგელის ტბა 6 მაისის პარკში
პარკში დღეს პოპულარული იყო ბალახზე წამოგორება და კიდევ ფრიზბის თამაში, რომელიც ფოტოზე იმიტომ არ ჩანს, რომ ძალიან სწრაფად დააქროლებდნენ.
6 მაისის პარკი, პიკნიკი
ახლა კი ბულვარისკენ წავიდეთ და ეგებ ზღვასაც გადავხედოთ.
როგორც ჩანს, ჩვენ გარდა სხვებსაც იგივე მარშრუტი აქვთ არჩეული.
როგორც ჩანს, მხოლოდ ადამიანები არ ატარებენ აქ კარგ დროს
ბულვარი
კოლონადების წინ გაშლილ მოედანზე სკეიტერები და ველომოყვარულები სხვადასხვა ტრიუკების ზუსტად შესრულებაში იწაფებიან.
იქვე ფოტოსტუდიასა და სიცილის ოთახთან ახალი თაობა ხვდება ჩვენი ქალაქის „დიდებულ თეთრ ცხენს“
ცოტა ხნით შეგვიძლია ისინი მარტო დავტოვოთ და გლიცინიაშემოხვეული ხით აღფრთოვანებაში შევუერთდეთ სხვა მოსეირნეებს.
უკვე გვიანდება და დროა, ზღვისკენ გავეშუროთ მზის ჩასვლის სანახავად.
სანამ ჩვენ ვსეირნობდით, სხვებს უკვე რუჯიც დაეტყოთ
უკაცრავად, თქვენთ არ მიგულისხმიხართ
თქვენც არ ელოდით ასე ლამაზ დაისს?
