17 აპრილის მონაცემებით, ბოლო 24 საათში საქართველოში კორონავირუსის 1 219 ახალი შემთხვევა დადასტურდა. ჩატარდა 34 046 კვლევა ტესტით.
ბოლო 24 საათში ქვეყანაში კოვიდით გარდაიცვალა 9 პაციენტი.
16 აპრილის მდგომარეობით, დადებითობის დღიური მაჩვენებელი არის 3.58 %, ბოლო 14 დღის მანძილზე – 2.91%, ხოლო 7 დღის მანძილზე – 3.26%
დღეს ქვეყანაში გამოვლენილი ინფიცირების ახალი შემთხვევებიდან ყველაზე მეტი შემთხვევა დადასტურდა თბილისში, აჭარაში და სამეგრელო-ზემო სვანეთში.
ამ ეტაპზე საქართველოში ინფიცირების 10 457 აქტიური შემთხვევაა, საიდანაც 2 848 ადამიანი მკურნალობს საავადმყოფოში, ხელოვნური სუნთქვის აპარატზე იმყოფება 89 პირი.
7 182 პირი ვირუსის მკურნალობის კურსს გადის საცხოვრებელ ბინაზე.
დღეის მონაცემებით, საქართველოში თვითიზოლაციაში იმყოფება 16 042 ადამიანი, მათ შორის თბილისში – 7 987 პირი, აჭარაში – 2 475, იმერეთში – 1 137.
