ნეტგაზეთი • RU

აჭარის მთავრობა დახმარებისთვის თავდაცვის სამინისტროს არ მიმართავს

ბათუმში დიდთოვლობის შედეგად ბევრი ხე დაზიანდა. ხშირად შეხვდებით მოგლეჯილ თუ გადატეხილ ხეებსაც, როგორც ქალაქის ქუჩებში, ისე ბათუმის ბულვარში. განსაკუთრებული ზიანი მაინც ბათუმის ბულვარს მიადგა – აქ მცენარეების უმრავლესობა დაზიანებულია.

xxxx

x3
xeebi xeebiii motexili xeebi
1 4მართალია, სამოქალაქო ჯგუფები თუ მერიის სამსახურები ცდილობდნენ ხეების თოვლისგან გათავისუფლებას, მაგრამ ეს საკმარისი არ აღმოჩნდა. ბათუმის მერიის პრესსამსახურში ამბობენ, რომ „ბათუმის გამწვანების, ლადნშაფტური დაგეგმარების და სანდასუფთავების სამსახურების თანამშრომლები მუშაობენ თოვლის საფარისაგან დაზიანებული ხეების გაწმენდაზე“. თუმცა, საკმარისი არც ეს არის, რადგან ამ მიმართულებით ჯერ კიდევ ბევრი სამუშაოა შესასრულებელი.

nagaviგარდა ამისა, ბათუმის ქუჩებში გაჩნდა ნარჩენების დიდი გროვებიც. ბათუმის მერიამ ვერ უზრუნველყო ქუჩების გაწმენდა თოვლის საფარისგან სრულად, შესაბამისად, სანდასუფთავების მანქანებით ქუჩებზე გადაადგილება შეუძლებელია. დღეს ქალაქის ქუჩებიდან ნარჩენების გატანა ვერ მოხერხდა.

ხომ არ აპირებს აჭარის მთავრობა მიმართოს თავდაცვის სამინისტროს დახმარების თხოვნით, რომ ჯარისკაცები გამოვიდნენ ქალაქში გადაუდებელი სამუშაოების შესასრულებლად? – ჰკითხა „ბათუმელებმა“ აჭარის მთავრობას. მთავრობის პრესცენტრის განმარტებით: “ეს საკითხი ჩვენ განვიხილეთ, მაგრამ ამ ეტაპზე არ მივიჩნიეთ საჭიროდ მიმართვა. თუ გართულდება სიტუაცია, იმ შემთხვევაში მივმართავთ თავდაცვის სამინისტროს”.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.