Batumelebi | ბათუმში „მასტერკლასი“ და ქობულეთში მუხაესტატეს სკოლა დაიხურა – კოვიდი ბათუმში „მასტერკლასი“ და ქობულეთში მუხაესტატეს სკოლა დაიხურა – კოვიდი – Batumelebi
RU | GE  

ბათუმში „მასტერკლასი“ და ქობულეთში მუხაესტატეს სკოლა დაიხურა – კოვიდი

აჭარის საზოგადოებრივი ჯანდაცვის ცენტრის ინფორმაციით, დღეს, 6 აპრილს, აჭარაში ორი სკოლა დაიხურა.

ერთ-ერთი კერძო სკოლა „მასტერკლასია“, სადაც კორონავირუსი მოსწავლეს და პედაგოგს დაუდასტურდა.

კორონავირუსის შემთხვევის გამო დაიხურა სოფელ მუხაესტატეს საჯარო სკოლაც ქობულეთში.

კორონავირუსი დაუდასტურდა ბათუმის მე-19 საბავშვო ბაღის ერთ-ერთ მასწავლებელს, რომელიც მე-5 საჯარო სკოლაშიც ასწავლის. ბაღების გაერთიანების ინფორმაციით, მე-19 ბაღი არ დაიხურება. სკოლასთან დაკავშირებით კი, როგორც განათლების სამინისტროში გვეუბნებიან, ეპიდჯგუფის დასკვნას დაელოდებიან.

ჯანდაცვის ცენტრში ბათუმში მე-10 საბავშვო ბაღის დახურვის შესახებაც დაგვიდასტურეს ინფორმაცია. კოვიდი ორ ბავშვს დაუდასტურდა.

_______________________

მთავარი ფოტო: „ბათუმელების“ არქივიდან.
ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com