Batumelebi | ბათუმში 2 ვეტკლინიკა მიუსაფარ ცხოველებს უფასოდ ჩაუტარებს სტერილიზაცია/კასტრაციას | აქცია ბათუმში 2 ვეტკლინიკა მიუსაფარ ცხოველებს უფასოდ ჩაუტარებს სტერილიზაცია/კასტრაციას | აქცია – Batumelebi
RU | GE  

ბათუმში 2 ვეტკლინიკა მიუსაფარ ცხოველებს უფასოდ ჩაუტარებს სტერილიზაცია/კასტრაციას | აქცია

დღეს, 4 აპრილს, მსოფლიოში მიუსაფარი კომპანიონი ცხოველების დაცვის დღე აღინიშნება.

ამ დღესთან დაკავშირებით დღეს ბათუმში თანამშრომლობის მემორანდუმი გააფორმა ორმა ვეტერინარულმა კლინიკამ, My Friend-მა და Vet Office-მა და დაანონსეს აქცია, რომლის ფარგლებში ამ კლინიკებში უფასოდ განახორციელებენ მიუსაფარი ცხოველების სტერილიზაცია/კასტრაციას ორი კვირის განმავლობაში.

აქცია დღეს, 4 აპრილს, დაიწყო და 19 აპრილამდე გასტანს.

„დღის განმავლობაში განხორციელდება ერთი მიუსაფარი ძაღლისა და კატის სტერილიზაცია/კასტრაცია.

პირი, რომელიც მოიყვანს ცხოველს [სტერილიზაცია/კასტრაციისთვის, ვალდებულია ის შეიფაროს ოპერაციის შემდგომი სარეაბილიტაციო პერიოდის დასრულებამდე (3- 5 დღე).

სავალდებულოა წინასწარ ჩაწერა დაგვირეკეთ ან მოგვწერეთ ფეისბუქზე.

მიუსაფარი ცხოველების დახმარებაზე ორიენტირებული პროექტები ახლო მომავალში ჩვენი კლინიკების ერთ-ერთი მთავარი პრიორიტეტი იქნება,“ – აღნიშნულია კლინიკების ფეისბუქგვერდებზე.

საქართველოში მიუსაფარი ცხოველების პოპულაციის სამართავად ერთიანი სტრატეგია არ არსებობს. ცალკეულ მუნიციპალიტეტებს აქვთ სტერილიზაცია/კასტრაციის პროგრამა თავშესაფრებში, თუმცა ეს საკმარისი არ არის.

უცნობია, რამდენი მიუსაფარი ძაღლი და კატაა ქვეყანაში, თუმცა ფაქტია, რომ მათი რიცხვი არ მცირდება, ყოველდღიურად ათობით ძაღლსა და კატას ტოვებენ მეპატრონეები ქუჩაში, ყრიან ჯერ კიდევ თვალაუხელელ ლეკვებსა და კნუტებს. არ კონტროლდება კატებისა და ძაღლების მოშენება და ვაჭრობა.

მიუსაფარი ცხოველების გამრავლების ერთ-ერთი მთავარი მიზეზი მეპატრონეების გულგრილობა და უპასუხისმგებლობა და ცხოველის სტერილიზაცია/კასტრაციაზეა ურის თქმაა.

ცხოველთა უფლებების დამცველებისა და სპეციალისტების თქმით, სტერილიზაცია/კასტრაცია არის ცხოველთა პოპულაციის სამართავად ყველაზე ჰუმანური და ეფექტური გზა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com