დღეს 4 აპრილს, ქრისტეს აღდგომას ზეიმობს ქრისტიანული ეკლესიების დიდი ნაწილი. სააღდგომო მსახურება გაიმართა ბათუმის კათოლიკურ და პროტესტანტულ ეკლესიებში.
კორონავირუსის პანდემიიდან გამომდინარე, ეკლესიებში გათვალისწინებული იყო უსაფრთხოების წესები.
ოფიციალური პირებიდან საქართველოში მცხოვრებ ქრისტიანებს ფეიბუქით მიულოცეს აღდგომა საქართველოს პრეზიდენტმა სალომე ზურაბიშვილმა და პრემიერ-მინისტრმა ირაკლი ღარიბაშვილმა.
მართლმადიდებრული ეკლესია ქრისტეს აღდგომას ერთი თვის შემდეგ, 2 მაისს აღნიშნავს.
____________
ფოტოზე: აღდგომა ბათუმის წმ.სამების პროტესტანტულ ეკლესიაში