იუსტიციის მინისტრმა, გოჩა ლორთქიფანიძემ, ჰააგის სისხლის სამართლის საერთაშორისო სასამართლოში დღეს, 10 მარტს, ფიცი დადო. იუსტიციის მინისტრი საქართველოში საქმიანობას გააგრძელებს მანამ, სანამ ის მოსამართლის უფლებამოსილების განხორციელებას არ შეუდგება. თარიღი ჯერ ცნობილი არ არის.
გოჩა ლორთქიფანიძე პირველი ქართველია, რომელიც საერთაშორისო სისხლის სამართლის სასამართლოს მოსამართლე გახდა. ის მოსამართლედ გასული წლის 19 დეკემბერს აირჩიეს.
დღეს ჰააგის სასამართლოში ახალარჩეულმა ექვსმა მოსამართლემ დადო ფიცი. გოჩა ლორთქიფანიძე ჰააგის მოსამართლე 9 წელი იქნება.
