Batumelebi | 10 პაციენტი გარდაიცვალა კოვიდით, დადასტურდა 139 ახალი შემთხვევა 10 პაციენტი გარდაიცვალა კოვიდით, დადასტურდა 139 ახალი შემთხვევა – Batumelebi
RU | GE  

10 პაციენტი გარდაიცვალა კოვიდით, დადასტურდა 139 ახალი შემთხვევა

9 მარტის მონაცემებით, ბოლო 24 საათში საქართველოში კორონავირუსის 139 ახალი შემთხვევა დადასტურდა, სულ ჩატარდა 6 351 ტესტი კოვიდზე.

8 მარტის მდგომარეობით, ქვეყანაში კოვიდის დადებითობის დღიური მაჩვენებელი 2.19 პროცენტია, ბოლო 14 დღის – 1.49 %, ხოლო 7 დღის – 1.63%.

ბოლო 24 საათში კორონავირუსით გარდაცვალების 10 ახალი შემთხვევა დაფიქსირდა. პანდემიის გავრცელებიდან დღემდე ვირუსის ჯამში 3 601 პირი გარდაიცვალა.

ამ ეტაპზე 1 383 ადამიანი მკურნალობს კოვიდ საავადმყოფოში, 998 პირი კი – საცხოვრებელ ბინაზე.

დღეისათვის საქართველოში თვითიზოლაციაში იმყოფება 5 438 ადამიანი, მათ შორის, თბილისში – 2 417 პირი, აჭარაში – 453, იმერეთში – 679.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com