Batumelebi | ბოლო 24 საათში საქართველოში 15 ადამიანი გარდაიცვალა კოვიდით ბოლო 24 საათში საქართველოში 15 ადამიანი გარდაიცვალა კოვიდით – Batumelebi
RU | GE  

ბოლო 24 საათში საქართველოში 15 ადამიანი გარდაიცვალა კოვიდით

8 მარტის მონაცემებით, ბოლო 24 საათის განმავლობაში საქართველოში 7 823 კვლევა ჩატარდა კორონავირუსზე და გამოვლინდა ვირუსით ინფიცირების 147 ახალი შემთხვევა.

7 მარტის მდგომარეობით, დადებითობის დღიური მაჩვენებელი არის 1.88 %, ბოლო 14 დღის განმავლობაში – 1.54 %, ხოლო 7 დღის განმავლობაში – 1.67%.

ბოლო 24 საათში  კორონავირუსით საქართველოში 15 ადამიანი გარდაიცვალა. პანდემიის გავრცელებიდან დღემდე ვირუსით ჯამში 3 591 პირი დაიღუპა.

8 მარტის მონაცემებით, საქართველოში კორონავირუსით ინფიცირების 2 495 შემთხვევაა, მათგან 1 421 ადამიანი მკურნალობს კოვიდკლინიკაში, 949 პირი კი – საცხოვრებელ ბინაზე.

ამ ეტაპზე ქვეყანაში თვითიზოლაციაში იმყოფება 5 535 ადამიანი.

____________________

ფოტოზე: რესპუბლიკური საავადმყოფოს ექთანი. წყარო: nplg.gov.ge, ციფრული ფოტოგამოფენა „ქართველი ექთნები ეპიდემიის წინა ხაზზე“

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com