Batumelebi | ბათუმში, პუშკინის ქუჩაზე ხანძარია – დაიღუპა 1 პირი ბათუმში, პუშკინის ქუჩაზე ხანძარია – დაიღუპა 1 პირი – Batumelebi
RU | GE  

ბათუმში, პუშკინის ქუჩაზე ხანძარია – დაიღუპა 1 პირი

ბათუმში, პუშკინის ქუჩაზე, ორსართულიან კორპუსში ხანძარია. ვიდეომასალაში, რომელიც „ბათუმელებს“ მოაწოდეს, ჩანს, რომ კორპუსის ერთ კონკრეტულ ბინაში არის ხანმოკლე აალება, რასაც მოჰყვება დიდი დაკვამლიანება.

„ბათუმელებს“ სახანძრო სამსახურის თანამშრომელმა ადგილზე უთხრა, რომ ერთი ადამიანი დაიღუპა ხანძრის შედეგად. ვიდეოში, რომელიც „ბათუმელებს“ მოაწოდეს, ისმის, რომ კორპუსში ცხოვრობდა უსინათლო კაცი.

სამაშველო სამსახურის მიერ გავრცელებული ინფორმაციით, ნაპოვნია შშმ პირის ცხედარი. ხანძრიდან 3 პირი გამოიყვანეს უვნებლად. კორპუსში, სადაც ხანძარი გაჩნდა, 5 ოჯახი ცხოვრობდა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 188-ე მუხლით მიმდინარეობს.

ხანძარი ბათუმში, პუშკინის ქუჩაზე

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com