Batumelebi | ბათუმში წყალმომარაგების მილი დაზიანდა – რამდენიმე ქუჩას წყლის მიწოდება შეუწყდება ბათუმში წყალმომარაგების მილი დაზიანდა – რამდენიმე ქუჩას წყლის მიწოდება შეუწყდება – Batumelebi
RU | GE  

ბათუმში წყალმომარაგების მილი დაზიანდა – რამდენიმე ქუჩას წყლის მიწოდება შეუწყდება

ბათუმში, გორგილაძისა და ჯავახიშვილის ქუჩების კვეთაში, როგორც კომპანია „ბათუმის წყალში“ განაცხადეს, დაზიანდა სასმელი წყლის მილი. ადგილზე მობილიზებულია შესაბამისი სამსახური.

„ბათუმის წყალში“ გვითხრეს, რომ „ავარიული დაზიანებაა და აბონენტების ნაწილს წყალმომარაგება შეუწყდება“.

„ბათუმის წყლის“ ინფორმაციით, 18 იანვრის დილის 10:00 საათამდე წყალმომარაგება შეუწყდება შემდეგ ქუჩებს:

შარტავას ქუჩას, ფიროსმანის ქუჩას, აბუსერიძის ქუჩას, ჯავახიშვილის ქუჩას, გორგილაძის ქუჩის ბოლო, გრიბოედოვის ქუჩას -გორგასლის ქუჩიდან აბუსერიძის ქუჩის მონაკვეთზე, გორგასლის ქუჩას – ჯავახიშვილის ქუჩიდან გრიბოედოვის ქუჩამდე მონაკვეთში, გორგილაძის ქუჩას – შარტავას ქუჩიდან გრიბოედოვის ქუჩამდე მონაკვეთში.

„წყალმომარაგების მიწოდების აღდგენის შემდეგ, შესაძლოა, წყალი იყოს მცირედით ამღვრეული, რაც გამოწვეულია მილზე არსებული ჯანმრთელობისათვის უსაფრთხო მინერალების ჩამორეცხვით. „ბათუმის წყალი“ მოუწოდებს აღნიშნულ დასახლებაში მცხოვრებ მოსახლეობას, წყლის მიწოდების აღდგენის შემდეგ, ონკანი გააღონ და რამდენიმე წუთის განმავლობაში ჰქონდეთ მოშვებულ მდგომარეობაში“, – აღნიშნულია კომპანიის განცხადებაში.

გორგილაძისა და ჯავახიშვილის ქუჩების კვეთაში მიმდინარეობს ავარიულად დაზიანებული დ160 მმ წყალმომარაგების მილის აღდგენითი სამუშაოები. /17.01.2021 / ფოტო: „ბათუმის წყალი“

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com