Batumelebi | როდის არის დეკლარაციის წარდგენის ვადა – როგორ იმუშავებს შემოსავლების სამსახური უქმე დღეებში როდის არის დეკლარაციის წარდგენის ვადა – როგორ იმუშავებს შემოსავლების სამსახური უქმე დღეებში – Batumelebi
RU | GE  

როდის არის დეკლარაციის წარდგენის ვადა – როგორ იმუშავებს შემოსავლების სამსახური უქმე დღეებში

ფინანსთა სამინისტროს შემოსავლების სამსახურის ინფორმაციით 1-ლი იანვრიდან 15 იანვრის ჩათვლით პერიოდში არ იმუშავებს შემოსავლების სამსახურის მომსახურების დეპარტამენტის სერვისცენტრები. სამსახურის ინფორმაციით მოქალაქეებმა ეს უნდა გაითვალისწინონ სერვისებით [მათ შორის ელექტრონული] სარგებლობისას.

კორონავირუსის გავრცელების პრევენციის მიზნით, გამოცხადებულ უქმე დღეებში [2021 წლის 3 იანვრიდან  6 იანვრის ჩათვლით  და 8 იანვრიდან 15 იანვრის ჩათვლით] გაფორმების ეკონომიკური ზონები, საბაჟო გამშვები პუნქტები, ასევე, გაფორმების განყოფილებები და საბაჟო ღირებულებისა და საქონლის კლასიფიკაციის სამმართველო საქმიანობას ჩვეულ რეჟიმში გააგრძელებენ.

ამასთან, შემოსავლების სამსახურის ინფორმაციით, სამუშაო დროს გაწეული მომსახურებისთვის, საქართველოს მთავრობის N96-ე დადგენილებით განსაზღვრული ტარიფების გაორმაგება არ მოხდება.

ვინაიდან, საქართველოს შრომის კოდექსითა და საქართველოს მთავრობის დადგენილების თანახმად, 2021 წლის 1-ლი იანვრიდან 15 იანვრის ჩათვლით პერიოდი ემთხვევა უქმე დღეებს, საგადასახადო დეკლარაციების / გაანგარიშებების წარდგენის სავადო თარიღია 2021 წლის 18 იანვარი [ნაცვლად 2021 წლის 15 იანვრისა].

2021 წლის 4, 5, 6, 8, 11 – 15 იანვარს, ინფორმაციის მისაღებად შემოსავლების სამსახურს შეგიძლიათ დაუკავშირდეთ, 09:00 საათიდან -18:00 საათამდე:

•    სატელეფონო ცენტრის ნომერზე: 2 299 299
•    RS ჩათის მეშვეობით
•    ელექტრონული ფოსტის მისამართზე info@rs.ge

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com