Batumelebi | ბათუმში მაღაზიებთან მომხმარებელთა რიგებია ბათუმში მაღაზიებთან მომხმარებელთა რიგებია – Batumelebi
RU | GE  

ბათუმში მაღაზიებთან მომხმარებელთა რიგებია

დღეს, 26 დეკემბერს, ბათუმში მოლებსა და მაღაზიების შესასვლელებთან რიგებია. მომხმარებლის ნაწილი ღია ცის ქვეშ ელოდება საკუთარ რიგს. ასე მოლებისა და მაღაზიის მეპატრონეები ცდილობენ იმ რეგულაციების დაცვას, რაც მთავრობამ  წინაასახალწლოდ რამდენმე   შეზღუდვის გაუმქმების პირობად დაასახელა.

საკოორდინაციო საბჭოს გადაწყვეტილებით, 24 დეკემბრიდან 2 იანვრის ჩათვლით პანდემიით გამოწვეული შეზღუდვები სრულად არ მოიხსნა და მხოლოდ შემსუბუქდა. გახსნა მხოლოდ დიდი მოლები და მაღაზიები.

რიგი „მეტრო სითი“ მოლთან

დაწესებული რეგულაციით ყველა ამ სივრცეში, ასვე გარეთ შესასვლელებთან რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები. ამ რეგულაციების დაცვაზე სრული პასუხისმგებლობა ეკისრება სავაჭრო ობიექტების ადმინისტრაციას:

„ნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასეევე, საქმიანობის შეჩერება.“

რიგი მაღაზია „ვაიკიკთან“

მთავრობის გადაწყვეტილებით:

  • მაღაზიების სამუშაო საათები განისაზღვრა დილის 07:00დან 19:00 საათამდე.
  • მომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც მაღაზიის ფართის ყოველ 20მ2-ზე დაიშვება არაუმეტეს ერთი მომხმარებელი.
  •  მაღაზიების როგორც შიდა, ასევე მაღაზიის გარე სივრცეში უნდა მოხერხდეს მომხმარებელთა რიგების მართვა.
  • ფასდაკლებების აქციები უნდა გამოცხადდეს ძირითადად დილის საათებში ან/და ონლაინ გაყიდვების შემთხვევაში.
  • ტანსაცმლის მაღაზიებში არ უნდა მუშაობდეს გასახდელები.
  •  მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მოხერხდეს მხოლოდ პირველი თებერვლის შემდეგ.
  • სავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით.

 

ნეტგაზეთის მასალების სხვა გამოცემებში გადაბეჭდვის წესი
ავტორი