ბათუმის საქალაქო სასამართლომ წელს, იანვრიდან ნოემბრის ჩათვლით, სულ 38 გამამართლებელი განაჩენი მიიღო, 10 ნაწილობრივ გამამართლებელი. სასამართლომ სულ 975 სისხლის სამართლის საქმის განხილვა დაასრულა ამ პერიოდში. სტატისტიკურ მონაცემებს ბათუმის საქალაქო სასამართლო აქვეყნებს.
იანვრიდან ნოემბრის ჩათვლით, 975 საქმიდან 586 საქმეზე საპროცესო შეთანხმება შედგა, 8 სისხლის სამართლის საქმე გამოძიებას დაუბრუნდა, 13 საქმის განხილვა კი, შეწყდა.
სისხლის სამართლის 16 საქმეს სასამართლომ საკუთარი ინიციატივით შეუცვალა კვალიფიკაცია.
სულ ბათუმის საქალაქო სასამართლოში წელს, დეკემბრამდე, 1120 სისხლის სამართლის საქმე შევიდა.
