საქართველოს სტატისტიკის ეროვნული სამსახურის ინფორმაციით, 2020 წლის ოქტომბერში წინა თვესთან შედარებით ინფლაციის დონემ საქართველოში 0.8 პროცენტი, ხოლო წლიური ინფლაციის დონემ 3.8 პროცენტი შეადგინა.
საქსტატის ცნობით, წინა წელთან შედარებით საქართველოში
- ზეთი და ცხიმი გაძვირდა 17.3 პროცენტით
- ყავა, ჩაი და კაკაო გაძვირდა 13.6 პროცენტით
- თევზეული გაძვირდა 10.3 პროცენტით
- პური და პურპროდუქტები გაძვირდა 7.8 პროცენტით
- რძე, ყველი და კვერცხი გაძვირდა 6.0 პროცენტით
- შაქარი, ჯემი და სხვა ტკბილეული გაძვირდა 4.5 პროცენტით
- ხორცი და ხორცის პროდუქტები გაძვირდა 3.5 პროცენტით
- ბოსტნეული და ბაღჩეული გაძვირდა 2.2 პროცენტით
ამასთან, საქსტატის ცნობით, ფასები შემცირებულია ხილსა და ყურძენზე – 3.2 პროცენტით.
ბოლო თვის განმავლობაში ფასები გაიზარდა სამედიცინო პროდუქციის, აპარატურისა და მოწყობილობის (13.5 პროცენტი) და ამბულატორიული სამედიცინო მომსახურების (11.8 პროცენტი) ქვეჯგუფებზე.
ასევე, ტანსაცმელსა და ფეხსაცმელზე ფასები მომატებულია 5.4 პროცენტით. საქსტატის ცნობით, შესაბამისად, ჯგუფის წვლილმა თვის ინდექსში 0.18 პროცენტული პუნქტი შეადგინა. ფასები გაზრდილია როგორც ფეხსაცმლის (8.6 პროცენტი), ასევე ტანსაცმლის (3.2 პროცენტი) ქვეჯგუფებზე.
