„ხვალ, 5 საათზე, არამარტო ბათუმი, მთელი აჭარა იქნება შეკრებილი მთავრობის სახლთან. მე ვპირდები თითოეულ ბათუმელს და აჭარის მოსახლეობას, მთელს საქართველოს, რომ არ დავნებდებით, ბოლომდე ვიბრძოლებთ, რომ დავიცვათ თითოეული თქვენგანის ხმა,“ – აღნიშნა დღეს, 2 ნოემბერს, გამართულ ბრიფინგზე ლევან ვარშალომიძემ. ის გაერთიანებული ოპოზიციის მაჟორიტარი დეპუტატობის კანდიდატი იყო ბათუმში.
საპროტესტო აქციას ბათუმში ოპოზიციური პოლიტიკური პარტიები ერთობლივად გამართავენ.
ევროპული საქართველოს მაჟორიტარობის კანდიდატმა საქართველოს პარლამენტში, არმაზ ახვლედიანმა განაცხადა, რომ „ხმების მოპარვა 21-ე საუკუნეში ივანიშვილს არ გაუვა“.
დღევანდელ ბრიფინგზე ლევან ვარშალომიძემ ასევე თქვა, რომ ის მეორე ტურში მონაწილეობას არ აპირებს.
„არჩევნები გააყალბეს და არალეგიტიმურია… არ ვაპირებ, ვიქნები მოსახლეობის და ხალხის გვერდით,“ – დასძინა ლევან ვარშალომიძემ.
