Batumelebi | საქართველოში სიკვდილიანობა 1 მილიონ მოსახლეზე 71-მდე გაიზარდა – COVID19  საქართველოში სიკვდილიანობა 1 მილიონ მოსახლეზე 71-მდე გაიზარდა – COVID19  – Batumelebi
RU | GE  

საქართველოში სიკვდილიანობა 1 მილიონ მოსახლეზე 71-მდე გაიზარდა – COVID19 

დღეის მონაცემებით, მსოფლიოს მასშტაბით კორონავირუსის 45 382 151 დადასტურებული შემთხვევაა, გამოჯანმრთელდა 33 018 697 და გარდაიცვალა 1 187 029 ადამიანი.

COVID19-ით სიკვდილიანობის მაჩვენებელი ყველა ქვეყნისთვის სხვადასხვაა და იგი ყოველდღურად იცვლება. ბოლო პერიოდში ეს მაჩვენებელი ქვეყნების უმრავლესობაში, მათ შორის საქართველოშიც, მზარდია. მაგალითად, თუ ორი დღის წინ საქართველოში კოვიდით გარდაცვალების მაჩვენებელი მილიონ მოსახლეზე 63 იყო, დღეს ეს მაჩვენებელი 71-ია.

კოვიდით სიკვდილიანობის მაჩვენებელი საქართველოში 1 მილიონ მოსახლეზე

მსოფლიოში კორონავირუსის პანდემიით გარდაცვალების მაჩვენებელი, Worldometers-ის მონაცემებით, ერთ მილიონ მოსახლეზე 152.3-ია. ასე გამოიყურება კოვიდის გავრცელების მხრივ პირველ ათეულში მყოფი ქვეყნების სიკვდილიანობის მაჩვენებელი 1 მილიონ მოსახლეზე:

ინფოგრაფიკაზე ნაჩვენებია სიკვდილიანობის მაჩვენებელი ერთ მილიონ მოსახლეზე (არა პროცენტებში)

მონაცემების წყარო: worldometers

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან