პანდემიის საწყის ეტაპზე სომხეთში კორონავირუსის ბევრად მეტი შემთხვევა იყო დარეგისტრირებული, ვიდრე საქართველოსა და აზერბაიჯანში ერთად. COVID19-ის დადასტურებული შემთხვევებით სამხრეთ კავკასიის რეგიონში სომხეთი კვლავ პირველ ადგილზეა [68 530], შემდეგ მოდის აზერბაიჯანი [46 593], შემდეგ კი საქართველო [21 208]; თუმცა ახალი შემთხვევების რაოდენობით საქართველო სომხეთის სტატისტიკას მიუახლოვდა.
20 ოქტომბრის დილის მონაცემებით, ბოლო 24 საათში საქართველოში 1 351 ახალი შემთხვევა დაფიქსირდა, რაც სომხეთის მაჩვენებელზე [1 896] დაახლოებით 500-ით ნაკლებია.
კორონავირუსით ინფიცირების ყველაზე მეტი აქტიური შემთხვევა სომხეთშია – 18 190, შემდეგ საქართველოში – 12 033, ბოლოს კი აზერბაიჯანში – 5 503.
საქართველოში ახალი შემთხვევების დიდი მატება სექტემბრის თვეში დაიწყო. პანდემიის დაწყებიდან დღემდე საქართველოში 172 ადამიანი გარდაიცვალა.
ბოლო 24 საათში სომხეთში გარდაიცვალა 20 ადამიანი, საქართველოში – 14, აზერბაიჯანში კი – 7. აქტიური შემთხვევების სტატისტიკა ასე გამოიყურება:
წყარო: worldometers
