Batumelebi | მოთხრობა „იგის” მიხედვით შექმნილი ანიმაცია აღმოსავლეთ ევროპის ფორუმის გამარჯვებულია მოთხრობა „იგის” მიხედვით შექმნილი ანიმაცია აღმოსავლეთ ევროპის ფორუმის გამარჯვებულია – Batumelebi
RU | GE  

მოთხრობა „იგის” მიხედვით შექმნილი ანიმაცია აღმოსავლეთ ევროპის ფორუმის გამარჯვებულია

ქართული ანიმაციური ფილმის პროექტი – „იგი“ ცენტრალური და აღმოსავლეთ ევროპის ანიმაციის ფორუმის გამარჯვებული გახდა სრულმეტრაჟიან ანიმაციურ ფილმებს შორის. ფილმი ჯემალ ქარჩხაძის ამავე სახელწოდების მოთხრობის მიხედვითაა გადაღებული.

ცენტრალური და აღმოსავლეთ ევროპის ანიმაციის ფორუმი დისტანციურად, ონლაინრეჟიმში ჩატარდა. მსოფლიოს სხვადასხვა ქვეყნის ჟიურიმ გამარჯვებული ფილმები ოთხ კატეგორიაში გამოავლინა, რისთვისაც 28 ანიმაციურ პროექტს შორის აარჩიეს საუკეთესოები.

ქართული ანიმაცია „იგი“ რეჟისორმა ნათია ნიკოლაშვილმა გადაიღო, პროდიუსერი კომპანია „20 Steps Productions“-ი და ვლადიმერ კაჭარავაა.

ამბავი პრეისტორიულ ეპოქაში ხდება. მთავარი პერსონაჟი ჩვეულებრივად ცხოვრობს წელში მოხრილ ტომელებთან ერთად. მისი ცხოვრება უცნაური და მშფოთვარე მას შემდეგ ხდება, რაც „იგი“ ფიქრს და აზროვნებას იწყებს, ბოლოს კი ტომის სხვა წევრებისგან განსხვავებით ნელ-ნელა წელშიც იმართება.

ანიმაცია „იგი“ 2021 წელს ნაჩვენები იქნება საფრანგეთში, გაცილებით დიდი მასშტაბისა და მნიშვნელობის  ანიმაციურ ფორუმზე.

კადრი ჯემალ ქარჩხაძის მოთხრობის მიხედვით გადაღებული ანიმაციური ფილმიდან „იგი”.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com