უკრაინის კულტურის სამინისტრო განიხილავს შესაძლებლობას, ცნონ უკრაინული ბორში ეროვნულ კულტურულ მემკვიდრეობად. ეს რეკომენდაცია კულტურული მემკვიდრეობის უწყების ექსპერტთა საბჭომ გასცა.
ბორშის მომზადების კულტურა, ექსპერტების აზრით, უკრაინული ყველაზე მნიშვნელოვანი არამატერიალური ღირებულებების ჩამონათვალთა შორისაა. ამ ჩამონათვალშია, ასევე, კლემბოვსკის პერანგების უკრაინული ქარგვის ტექნოლოგია, სააღდგომო სეირნობის რიტუალი ვინიცკოის ოლქში და კარპატების მატყლის გადასაფარებლების დამზადების ტექნოლოგია.
უკრაინის კულტურის მინისტრმა ალექსანდრე ტკაჩენკომ განაცხადა, რომ ბორში აუცილებლად იქნება აღიარებული ეროვნულ კულტურულ მემკვიდრეობად. ტკაჩენკოს თქმით, ამ ტრადიციული წვნიანის მომზადების ტექნოლოგიის აღიარება ეროვნულ მემკვიდრეობად, წინაპირობაა იმისა, რომ კერძი იუნესკოს მსოფლიო მემკვიდრეობის ნუსხაშიც შევიდეს.
ბორში სლავი და აღმოსავლეთ ევროპის ხალხისთვის სამზარეულოს მნიშვნელოვანი კერძია. რუსულ წერილობით წყაროებში ეს წვნიანი XVI საუკუნიდან იხსენიება.