საქართველოს კანონში „საგზაო მოძრაობის შესახებ“ ცვლილებები შედის და გახშირებული ავტოავარიების გამო ექსკურსიების რეგულაციები მკაცრდება. კანონი 2021 წლის 1-ლი იანვრიდან ამოქმედდება.
მძღოლი ვალდებულია ჰქონდეს:
[checklist]
- ბოლო 6 თვის განმავლობაში გაცემული ტექნიკური ინსპექტირების გავლის დამადასტურებელი დოკუმენტი;
- ბოლო 1 თვის განმავლობაში გაცემული ნარკოლოგიური შემოწმების ცნობა, ასევე ცნობა, რომლითაც დასტურდება, რომ მძღოლი ნარკოლოგიურ აღრიცხვაზე არ იმყოფება;
- შესაბამისი კატეგორიის ავტომობილის მართვის მინიმუმ 5-წლიანი გამოცდილება;
- თუ გასავლელი მანძილი დაახლოებით 500 კილომეტრზე მეტია, მძღოლს უნდა ახლდეს პირი, შემცვლელი, რომელსაც მძღოლის მსგავსად ბოლო 1 თვის განმავლობაში გაცემული ნარკოლოგიური შემოწმების შესახებ ცნობა აქვს და არ იმყოფება ნარკოლოგიურ აღრიცხვაზე. მას ასევე უნდა ჰქონდეს შესაბამისი კატეგორიის ავტომობილის მართვის მოწმობა, რომელიც სულ მცირე 5 წლის წინ მიიღო;
- [/checklist]
ავტომობილი აღჭურვილი უნდა იყოს:
[checklist]
- შიდა და გარე ხედვის კამერებით;
- ცეცხლმაქრი და სამედიცინო ჩანთით;
- იკრძალება ავტოსატრანსპორტო საშუალებაში იმაზე მეტი სავარძლის ჩადგმა, ვიდრე ქარხნულადაა გათვალისწინებული;
- ექსკურსიის დროს ყველა მგზავრი უსაფრთხოების ღვედით უნდა სარგებლობდეს;
- თუ ექსკურსიაზე შშმ პირია, გათვალისწინებული უნდა იყოს მისი საჭიროებები;
- მგზავრებს უნდა ახლდეს ექსკურსიის ზრდასრული ხელმძღვანელი, რომელიც პასუხისმგებელია მგზავრთა უსაფრთხოების ღვედით სარგებლობაზე;
- [/checklist]
მოთხოვნის შეუსრულებლობა გამოიწვევს დაჯარიმებას 200 ლარით. განმეორების შემთხვევაში კი – 400 ლარით. კანონი 2021 წლის 1-ლი იანვრიდან ამოქმედდება.
საქართველოს პარლამენტმა ცვლილებები კანონში მესამე მოსმენით დაამტკიცა, ცვლილებების მომხრე 73 დეპუტატი იყო, მოწინააღმდეგე – არც ერთი.
