ბათუმის დელფინარიუმი კორონავირუსის შემთხვევების მატებასთან დაკავშირებით შოუებს წყვეტს და დროებით იკეტება. ასევე, დამთვალიერებლებს დროებით აღარ მიიღებს ბათუმის აკვარიუმიც.
„ჩვენი ბინადრების, თანამშრომლებისა და თქვენი უსაფრთხოება და კეთილდღეობა პრიორიტეტია ჩვენთვის.
ბოლო დღეებში, დელფინარიუმსა და აკვარიუმში ვიზიტორთა მწირი რაოდენობისა და ამასთან, Covid-19-ის გავრცელების პრევენციის მიზნით, ბათუმის დელფინარიუმმა და აკვარიუმმა დროებით შეწყვიტა ვიზიტორთა მიღება“ – ნათქვამა განცხადებაში, რომელსაც შპს შავი ზღვის ფლორისა და ფაუნის შემსწავლელი სამეცნიერო-კვლევითი ცენტრი ავრცელებს.
პირველი სექტემბრიდან დღემდე აჭარაში იზრდება კორონავირუსით ინფიცირებულთა რაოდენობა. ბოლო 24 საათში ბათუმში ინფიცირების 80 შემთხვევა დადასტურდა.
