აჭარაში კორონავირუსის 20 ახალი შემთხვევა დადასტურდა ბოლო 24 საათში – ამის შესახებ დღეს, 7 სექტემბერს, განაცხადა ჟურნალისტებთან რუსუდან შავიშვილმა, აჭარის საზოგადოებრივი ჯანდაცვის ცენტრის ხელმძღვანელმა.
რუსუდან შავიშვილის განცხადებით, ახალი შემთხვევები უკავშირდება უკვე ინფიცირებული პირების ოჯახურ კონტაქტებს, მისივე თქმით, 20-დან 2 პირის ინფიცირების წყარო ჯერჯერობით დაუდგენელია. მანვე აღნიშნა, რომ ახალი შემთხვევები არ უკავშირდება „დონას“ კლასტერს.
ერთი შემთხვევა უკავშირდება „ხოფის ბაზრობას“, რუსუდან შავიშვილის თქმით, ამ მიმართულებით მიმდინარეობს კონტაქტების კვლევა.
აჭარაში დღეს საღამოს 600-ზე მეტ ტესტის პასუხს ელოდებიან კორონავირუსზე.
7 სექტემბრის მონაცემებით, ბოლო 24 საათში საქართველოში კორონავირუსის 34 ახალი შემთხვევა გამოვლინდა, განიკურნა 5 პაციენტი.
______________
ფოტოზე: რესპუბლიკური საავადმყოფოს ექთანი. წყარო: nplg.gov.ge, ციფრული ფოტოგამოფენა„ქართველი ექთნები ეპიდემიის წინა ხაზზე“