აჭარის ჯანდაცვის სამინისტროს ინფორმაციით, ჩაქვში მდებარე სასტუმრო „ოაზისში“ აღებული ყველა ტესტის პასუხი კორონავირუსზე, უარყოფითია.
„ოაზისი“ ჩაკეტილი იყო, რადგან გუშინ, 2 სექტემბერს, სასტუმროს ერთ-ერთ სტუმარს კორონავირუსი დაუდასტურდა. სასტუმროში იმყოფებოდა 400 ექიმი, რომლებიც კონფერენციას ესწრებოდნენ.
კორონავირუსის შემთხვევის დადასტურების შემდეგ სასტუმროში Covid19-ზე 924 ნიმუში აიღეს, ყველა პასუხი უარყოფითია.