Batumelebi | ბათუმში შაბათამდე უნალექო ამინდი იქნება – უახლოესი დღეების პროგნოზი ბათუმში შაბათამდე უნალექო ამინდი იქნება – უახლოესი დღეების პროგნოზი – Batumelebi
RU | GE  

ბათუმში შაბათამდე უნალექო ამინდი იქნება – უახლოესი დღეების პროგნოზი

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, ბათუმსა და მთლიანად აჭარაში შაბათამდე, 5 სექტემბრამდე, მოსალოდნელია ცვალებადი მოღრუბლულობა და ძირითადად უნალექო ამინდი; 5 სექტემბერს კი, ზოგან შესაძლებელია ხანმოკლე წვიმა.

სინოპტიკოსების პროგნოზით, 2 სექტემბრის 21 საათიდან 3 სექტემბრის 21 საათამდე ბათუმსა და აჭარის მთიანეთში მოსალოდნელია: ცვალებადი მოღრუბლულობა, უმეტესად უნალექოდ, ცვალებადი მიმართულების ქარი 10-15მ/წმ-ში,

ჰაერის ტემპერატურა, 3 სექტემბერს, სანაპირო რაიონებში იქნება:

  • დღისით: 27 – 32 გრადუსი,
  • ღამით: 17 – 22 გრადუსი სითბო;

მთაში მოსალოდნელია:

  • დღისით: 23 – 28 გრადუსი,
  • ღამით: 10 – 15 გრადუსი სითბო.

ზღვის წყლის ტემპერატურა კვლავ +27 გრადუსია.

 

მთავარი ფოტო: ბათუმი, ახალი ბულვარის გაგრძელება / აგვისტო, 2020
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com