ბათუმის საქალაქო სასამართლომ 2020 წლის იანვრიდან აგვისტომდე 34 საქმეზე მიიღო გამამართლებელი განაჩენი, ხოლო ნაწილობრივ გამამართლებელი – 7 საქმეზე. ამ პერიოდში სულ სასამართლომ 694 საქმის განხილვა დაასრულა. სტატისტიკურ ინფორმაციას ბათუმის საქალაქო სასამართლო ავრცელებს.
სტატისტიკური მონაცემების მიხედვით, სასამართლოს ინიციატივით 11 საქმეს კვალიფიკაცია შეეცვალა, საპროცესო შეთანხმება შედგა 444 საქმეზე, არსებითი განხილვით კი დასრულდა – 245 საქმე. წინასწარ გამოძიებაში დაბრუნდა 6 საქმე.