Batumelebi | რუსეთში ყუბანის მიტროპოლიტი კორონავირუსით გარდაიცვალა რუსეთში ყუბანის მიტროპოლიტი კორონავირუსით გარდაიცვალა – Batumelebi
RU | GE  

რუსეთში ყუბანის მიტროპოლიტი კორონავირუსით გარდაიცვალა

მიტროპოლიტ ისიდორეს გარდაცვალების შესახებ ინფორმაციას „კუბანსკი ნოვოსტი“ «Кубанские новости» ავრცელებს. რუსული სააგენტოს ცნობით, ეკატერინოდარისა და ყუბანის მიტროპოლიტი ისიდორე, დღეს, 2020 წლის 8 აგვისტოს, ხანმოკლე, მაგრამ მძიმე ავადმყოფობის შემდეგ გარდაიცვალა.

მიტროპოლიტ ისიდორეს გარდაცვალების მიზეზი კოროვირუსული ინფექციით გამოწვეული გართულებები იყო. ამ ინფორმაციას ადასტურებს კორონავირუსთან დაკავშირებით რუსეთის პატრიარქთან არსებული სამუშაო ჯგუფი.

მიტროპოლიტი ისიდორე ამავდროულად რუსეთის მართლმადიდებელი ეკლესიის საეკლესიო სასამართლოს თავმჯდომარე იყო.

დღეის მონაცემებით, რუსეთში კორონავირუსით 880 ათასზე მეტი ადამიანია ინფიცირებული, მათ შორის დაიღუპა თითქმის 15 ათასი ადამიანი.

ინფიცირებულთა რაოდენობის მიხედვით, რუსეთი მსოფლო ქვეყნების ხუთეულშია.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.