Batumelebi | 12 წელი აგვისტოს ომიდან – ბათუმში მემორიალი ყვავილებით შეამკეს 12 წელი აგვისტოს ომიდან – ბათუმში მემორიალი ყვავილებით შეამკეს – Batumelebi
RU | GE  

12 წელი აგვისტოს ომიდან – ბათუმში მემორიალი ყვავილებით შეამკეს

დღეს, 2020 წლის 8 აგვისტოს, რუსეთ-საქართველოს ომიდან მე-12 წელი შესრულდა. ომში დაღუპულთა ხსოვნის ნიშნად, ქვეყნის მასშტაბით სამთავრობო უწყებებზე სახელმწიფო დროშები დაშვებულია.

ბათუმში ომში დაღუპულთა მემორიალთან მივიდნენ ომში დაღუპული ჯარისკაცების ოჯახის წევრები, აჭარის მთავრობის თავმჯდომარე თორნიკე რიჟვაძე, ქალაქის მერის მოვალეობის შემსრულებელი არჩილ ჩიქოვანი და სხვა ოფიციალური პირები.

„ჩვენი ბრძოლა თავისუფლებისთვის, ჩვენი ბრძოლა ოკუპაციის წინააღმდეგ არ დასრულებულა. ჩვენი, თითოეული ამ ქვეყნის მოქალაქის ვალია გააგრძელოს ეს ბრძოლა, რომელიც უნდა იყოს თანმიმდევრული, პრაგმატული.

ჩვენ ყველა ერთად შევძლებთ, რომ ჩვენი ერთად დგომით დავძლიოთ ეს უდიდესი გამოწვევა რასაც ჰქვია ჩვენი ქვეყნის ოკუპაცია“ – განაცხადა თორნიკე რიჟვაძემ მემორიალთან.

აჭარის მთავრობის წევრები აგვისტოს ომში დაღუპულთა მემორიალთან

_________________________________________

ამავე თემაზე:

ევროკავშირის წარმომადგენლობა რუსეთ-საქართველოს ომის მე-12 წელს ეხმაურება

მთავარი ფოტო: აგვისტოს ომში დაღუპულთა მემორიალი ბათუმში / 2020 წლის 8 აგვისტო /ფოტო: აჭარის ჯანდაცვის სამინისტრო
ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com