23 ივლისის მონაცემებით, საქართველოში ბოლო 24 საათში კორონავირუსის 12 ახალი შემთხვევა გამოვლინდა, განიკურნა 4 პაციენტი.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 3 პაციენტის ინფიცირების წყარო უცნობია, მან აღნიშნა, რომ მიმდინარეობს ამ პაციენტების ინფიცირების წყაროს მოძიება, რაც შეეხება დანარჩენ შემთხვევებს – ესაა გაჩიანის კლასტერთან დაკავშირებული, დადასტურებულ შემთხვევებთან კონტაქტები და იმპორტირებული შემთხვევები.
დღეის მონაცემებით, 196 პაციენტი მკურნალობს საქართველოს კოვიდცენტრებში.
სულ საქართველოში კორონავირუსის 1085 შემთხვევაა დადასტურებული, რომელთაგან გამოჯანმრთელდა – 911, ხოლო გარდაიცვალა 16 პაციენტი.
ბოლო რამდენიმე დღეა საქართველოში კორონავირუსის ახალი შემთხვევების მატებაა, ძირითადად, გარდაბნის რაიონში.
______________
ამავე თემაზე:
გაჩიანის კლასტერი ყველაზე ცხელი წერტილია – ამირან გამყრელიძე
