Batumelebi | პარიზი – თბილისი – 8 აგვისტოდან ფრანგული ავიაკომპანია ფრენებს იწყებს პარიზი – თბილისი – 8 აგვისტოდან ფრანგული ავიაკომპანია ფრენებს იწყებს – Batumelebi
RU | GE  

პარიზი – თბილისი – 8 აგვისტოდან ფრანგული ავიაკომპანია ფრენებს იწყებს

სამოქალაქო ავიაციის სააგენტოს ცნობით, თბილისსა და პარიზს შორის რეგულარული საჰაერო მიმოსვლა 8 აგვისტოდან განახლდება.

სააგენტოს ინფორმაციით, აღნიშნულის თაობაზე უკვე დასრულდა ტექნიკური მოლაპარაკებები საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოსა და Air France-ს შორის. წამყვანი ფრანგული ავიაკომპანია ფრენებს კვირაში ორი სიხშირით, შემდეგი განრიგით განახორციელებს:

• პარიზი (შარლ დე გოლის აეროპორტი) – თბილისი, ყოველ ოთხშაბათს და შაბათს;
• თბილისი – პარიზი (შარლ დე გოლის აეროპორტი), ყოველ ხუთშაბათსა და კვირას.

რეგულარული რეისები Airbus A320 და A321 ტიპის საჰაერო ხომალდებით შესრულდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com