15 ივლისის მონაცემებით, საქართველოში ბოლო 24 საათში კორონავირუსის 4 ახალი შემთხვევა გამოვლინდა, განიკურნა 3 პაციენტი.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ოთხი ახალი შემთხვევიდან 3 შემოტანილია, მათგან 2 სატვირთო მანქანის მძღოლია, ერთი – საკარანტინo სივრციდან. კიდევ ერთი პაციენტის ინფიცირების წყარო კი ჯერჯერობით უცნობია.
საქართველოში სულ დადასტურებულია კორონავირუსის 1003 შემთხვევა, 873 პაციენტი განიკურნა, ხოლო 15 გარდაიცვალა.
დღეის მონაცემებით, საქართველოს კოვიდცენტრებში მკურნალობს 143 პაციენტი.
რაც შეეხება სხვა მონაცემებს, კარანტინში იმყოფება 5640 ადამიანი, ხოლო სტაციონარში მეთვალყურეობის ქვეშ – 244 ადამიანი.
