ბათუმის მერიის პრესსამსახური ბათუმის მერის – ლაშა კომახიძის გადადგომის თაობაზე დღეს მედიაში გავრცელებულ ინფორმაციას არ ადასტურებს.
პრესსამსახურის განმარტებით, ლაშა კომახიძე თანამდებობიდან არ გადამდგარა. რაც შეეხება გავრცელებულ ინფორმაციას, მის შესაძლო გადადომასა და „ოცნების“ პარტიული სიით საქართველოს საპარლამენტო არჩევნებში მონაწილეობაზე, მერი მედიის კითხვებს უახლოეს მომავალში უპასუხებს.
თავად ლაშა კომახიძე სატელეფონო ზარებს არ პასუხობს.
ინფორმაცია ბათუმის მერის გადადგომის თაობაზე დღეს, 11 ივლისს ტელეკომპანია „მთავარმა“ გაავრცელა.
