ბათუმში აღმაშენებლის ქუჩაზე ტროტუარის ერთი მონაკვეთით მოსახლეობა საერთოდ ვერ სარგებლობს და ის უკვე თვეების განმავლობაში გასაყიდ მანქანებს აქვთ დაკავებული.
პარკინგი პროტუარზე
ეს ტროტუარი ესაზღვრება ისეთ საზოგადოებრივ დაწესებულებებს, როგორიცაა ბანკი, ტექნიკის შეკეთების სერვისები და სხვა.
ადგილობრივების თქმით ამ ქუჩის ტროტუარების სხვა მონაკვეთებიც დატვირთულია და მათი სხვადასხვა ნაწილი კომერციულ ობიექტებს აქვთ ათვისებული, ქუჩაზე კი მაქნების ინტენსიური მოძრაობაა დილიდან გვიან საღამომდე, რაც დამატებითი საფრთხეა, განსაკუთრებით მოზარდებისთვის.
გადატვირთული ტროტუარები და ქვეითისთვის დატოვებული ვიწრო ადგილი განსაკუთრებულ პრობლემას ეტლით მოსარგებლეებსა და იმ პირებს უქმნის, რომლებიც ბავშვებს ეტლით ასეირნებენ.
