Batumelebi | ზიპლაინი მახუნცეთში მდინარე აჭარისწყლის კალაპოტს და სოფლის ცენტრს დაფარავს – ახალი პროექტი ზიპლაინი მახუნცეთში მდინარე აჭარისწყლის კალაპოტს და სოფლის ცენტრს დაფარავს – ახალი პროექტი – Batumelebi

ზიპლაინი მახუნცეთში მდინარე აჭარისწყლის კალაპოტს და სოფლის ცენტრს დაფარავს – ახალი პროექტი

კომპანია „ჯეტ გრუპი“ სოფელ ზედა მახუნცეთში ზიპლაინის მოწყობას გეგმმავს, კომპანია სპეციალური გრავიტაციული გზის მოსაწყობად სახელმწიფო საკუთრებაში არსებულ ნაკვეთებს გამოიყენებს. რეესტრის მონაცემებით შესაბამისი შეთანხმება კომპანიას აჭარის ფინანასთა და ეკონომიკის სამინიტროსთან უკვე გაფორმებული აქვს.

პროექტის შეთანხმების მოთხოვნით კომპანიამ აჭარის კულტურული მემკვიდრეობის სააგენტოსაც მიმართა, რადგან ტერიტორია, სადაც „ჯეტ გრუპი“ მშენებლობას გეგმავს ძეგლის დაცვის ზონაშია.

სააგენტოს ზონალური საბჭოს სხდომის ოქმის მიხედვით, სადაც საკითხი განიხილეს, საბჭოს წევრებმა პროექტი შეითანხმეს, იმ პირობით რომ კომპანია დამატებით გაივლის უსაფრთხოებასთან დაკავშირებულ საკითხებს შესაბამის სტრუქტურებთან.

სააგენტოსთვის წარდგენილი ილუსტრაციის მიხედვით გრავიტაციული გზა, რომლის მოწყობასაც კომპანია გეგმავს, დაფარავს მდინარე აჭარისწყლის კალაპოტს, გადადის სოფლის ტერიტორიაზე და სოფლის მეორე მხარეს მთებში სრულდება.

რეესტრის მონაცემებით კომპანია „ჯეტ გრუპი“  2019 წლის აპრილშია დაფუძნებული და წილებს სამი მესაკუთრე ჯიმშერ პაქსაძე, ტრისტან წივილაშცილი და თეა ჭურკვეიძე ფლობენ.

სოფელი მახუნცეთი აწარაში ტურისტული თვალსაზრისით ერთერთი მოთხოვნადი ადგილია, აქ მნახველებს ძირითადად, თამარის თაღოვანი ხიდი და ჩანჩქერი იზიდავს.

ნეტგაზეთის მასალების სხვა გამოცემებში გადაბეჭდვის წესი
ავტორი