ჩოხატაურში, სოფელ ქვაბღასთან, ნაბეღლავი-ბახმაროსკენ მიმავალ გზაზე ავტომანქანა მოცურდა, რომელშიც 6 ადამიანი იმყოფებოდა, მათ შორის – რვა თვის ბავშვი. შს სამინისტროს ინფორმაციით, ავტომანქანაში მსხდომ პირებს მხოლოდ მსუბუქი დაჟეჟილობა აღენიშნებათ.
„ხიდზე გადასვლის დროს მდინარისკენ მოცურდა ავტომობილი, მაგრამ მდინარეში არ ჩავარდნილა. მგზავრები საავადმყოფოში იყვნენ გადაყვანილი, თუმცა მოტეხილობები არ აქვთ,“ – გვითხრეს შს სამინისტროში.
შემთხვევა გუშინ, 9 ივლისს, მოხდა.
გამოძიება სსკ-ის 273-ე მუხლის მეორე ნაწილით მიმდინარეობს, რაც გულისხმობს სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
